پی ٹی آئی رہنماؤں کی شہباز گل کی ضمانت منظوری پر مبارکباد

پاکستان تحریک انصاف (پی ٹی آئی) کے رہنماؤں کی جانب سے ڈاکٹر شہباز گل کی ضمانت منظوری پر مبارکباد پیش کی گئی ہے۔

عدالتوں کے باعث ریلیف مل جاتا ہے، عمران اسماعیل

تحریک انصاف کے رہنما عمران اسماعیل نے اپنے ٹوئٹر پر کہا کہ شہباز گل کو ضمانت منظوری پر مبارکباد ہو، اس حکومت نے سیاسی انتقام کی جو بدترین داستان رقم کی ہے وہ تاریخ میں موجود نہیں۔

شہباز گل کو ضمانت منظوری پر مبارکباد اس حکومت نے سیاسی انتقام کی جو بدترین داستان رقم کی ہے وہ تاریخ میں موجود نہیں عدالتوں کے باعث رلیف مل جاتا ہے ورنہ امپورٹڈ حاکم مخالفین کو تختہ دار پر لٹکانے کے لیے ہر وقت تیار رہتے ہیں pic.twitter.com/K1v2vIiuDM

— Imran Ismail (@ImranIsmailPTI) September 15, 2022

انہوں نے کہا کہ عدالتوں کے باعث ریلیف مل جاتا ہے ورنہ امپورٹڈ حاکم مخالفین کو تختہ دار پر لٹکانے کے لیے ہر وقت تیار رہتے ہیں۔

پوری پارٹی کو شہباز گل پر فخر ہے، اسد قیصر

اسد قیصر نے اپنے ٹوئٹر پر کہا کہ ہائیکورٹ میں شہباز گل کی درخواست ضمانت منظور ہوگئی ہے، شہباز گل بدترین مظالم کے آگے ڈٹ کے کھڑے رہے اس پر پوری پارٹی کو اُن پر فخر ہے۔

ہائیکورٹ میں شہباز گل کی درخواست ضمانت منظور ۔ شہباز گل بدترین مظالم کے آگے ڈٹ کے کھڑے رہے اس پر پوری پارٹی کواُن پر فخر ہے.

— Asad Qaiser (@AsadQaiserPTI) September 15, 2022

بالآخر جیت انصاف کی ہوئی، حسان خاور

پی ٹی آئی رہنما حسان خاور نے اپنے ٹوئٹر پر کہا کہ ایک ماہ اور 6 دن بعد شہبازگِل کو رہا کرنے کے احکامات جاری ہوئے ہیں، حکومت نے جس مقصد کے لیے شہبازگِل پر مقدمات بنائے وہ کامیاب نہ ہوا۔

ایک ماہ اور 6دن بعد شہبازگِل کورہا کرنےکے احکامات جاری۔ حکومت نےجس مقصد کےلیے شہبازگِل پرمقدمات بنائےوہ کامیاب نہ ہوا۔ شہبازگِل نےظلم برداشت کیامگرڈٹےرہے اور یہ باور کروایاکہ کپتان کےسپاہی بدترین دباؤ کےباوجودبھی جھوٹ کےآگےنہ جھکنےوالےہیں نہ ڈرنےوالےہیں۔ بالآخر جیت انصاف کی ہوئی۔ pic.twitter.com/7Jb2K2CfjI

— Hasaan Khawar (@hasaankhawar) September 15, 2022

انہوں نے کہا کہ شہبازگِل نے ظلم برداشت کیا مگر ڈٹے رہے اور یہ باور کروایا کہ کپتان کے سپاہی بدترین دباؤ کے باوجود بھی جھوٹ کے آگے نہ جھکنے والے ہیں نہ ڈرنے والے ہیں،  بالآخر جیت انصاف کی ہوئی۔

شہباز گِل کی رہائی حق اور سچ کی فتح اور باطل کی ہار ہے، عمر سرفراز

مشیرِ اطلاعات پنجاب عمر سرفراز چیمہ نے کہا کہ شہباز گِل کی رہائی حق اور سچ کی فتح اور باطل کی ہار ہے، ان کی رہائی کا مطلب ہے فسطائی حکومت اپنے مذموم مقاصد میں ناکام رہی۔

انہوں نے کہا کہ شہباز گِل سمیت پاکستان تحریکِ انصاف کا ہر کارکن اور لیڈر عمران خان کا سچا سپاہی ہے، پی ڈی ایم کے پاس کھوکھلے دعووں کے سوا کچھ نہیں رہ گیا۔

عمر سرفراز نے مزید کہا کہ ن لیگی ترجمانوں کی باتیں انکی شریف خاندان کی ذہنی غلامی کا ثبوت ہیں، آئیں بائیں شائیں سرکار پی ٹی آئی کی عوامی مقبولیت دیکھ کر اپنے ہوش کھو بیٹھی ہے۔