پاکستان

کسان اتحاد احتجاج؛ شاہ محمود کو شرکت سے روکنے پر پی ٹی آئی رہنما پولیس پر گرج پڑے

By admin

اسلام آباد پولیس نے شاہ محمود قریشی کو پرامن کسان اتحاد احتجاج میں شرکت کرنے سے روک دیا جس پر دیگر پی ٹی آئی رہنما پولیس اور حکومت پر گرج پڑے۔

تفصیلات کے مطابق پی ٹی آئی رہنماوں نے اسلام آباد پولیس کے رویے پر سخت ردعمل دیا۔

شاہ محمود قریشی

سماجی رابطے کی ویب سائٹ ٹوئٹر پر اپنے ایک پیغام میں پی ٹی آئی رہنما و سابق وزیر خارجہ شاہ محمود قریشی نے کہا کہ مجھے پولیس نے گھیر لیا اور F9 پارک میں کسان اتحاد احتجاج میں شامل ہونے سے روک دیا، یہ میرے آزادئ احتجاج کے بنیادی حقوق کے عین خلاف ہے، امپورٹڈ حکومت مزید کتنی آوازیں دبائے گی؟ شرمناک!

عمران اسماعیل

پی ٹی آئی رہنما عمران اسماعیل نے کہا کہ فسطائیت اور خوف میں مبتلا امپورٹڈ حکومت انتقام کی آگ میں اندھی ہو چکی ہے، پرامن احتجاج میں شرکت پر سابق وزیر خارجہ مخدوم شاہ محمود قریشی کو روکنا اور ہراساں کرنا شرمناک عمل ہے، کس کس کی زبان بندی کرو گے ہر فرد اب باشعور بن چکا ہے؟

زرتاج گل

پاکستان تحریک انصاف کی رہنما زرتاج گل نے کہا کہ امپورٹڈ حکومت اوچھے ہتھکنڈوں سے باز نہ آئی گی۔

اسد عمر

پی ٹی آئی رہنما اسد عمر نے اپنے ایک بیان میں کہا کہ شاہ محمود قریشی کو احتجاج کرنے والے کسانوں سے ملنے سے روک دیا گیا، کس قانون کے تحت؟ اسلام آباد میں لگتا ہے آئن اور قانون ختم کر دیا گیا ہے؟

علی حیدر زیدی

علی زیدی نے اپنے بیان میں کہا کہ اسلام آباد پولیس کا شرمناک ردعمل! یہ ہمارے بنیادی حقوق کو پامال کر رہے ہیں، امپورٹڈ حکومت بوکھلا گئی ہے۔

اعظم خان سواتی

پی ٹی آئی رہنما اعظم خان سواتی نے اپنے جاری کردہ پیغام میں کہا کہ امپورٹڈ گورنمنٹ شرم کرو مجھے پولیس نے گھیر لیا اور F9 پارک میں کسان احتجاج میں شامل ہونے سے روک دیا، یہ احتجاج کی آزادی کے میرے بنیادی حق کے خلاف ہے، یہ امپورٹڈ حکومت کتنی آوازوں کو دبانے کی کوشش کر رہی ہے؟

فیصل جاوید

پی ٹی آئی رہنما فیصل جاوید نے کہا کہ یہ حکومت کتنی بے حس ہے-

ان کا کہنا تھا کہ حکومت نہ کسانوں کی روداد خود سن رہی ہے اور نہ کسی اور کو ان کے پاس جانے دے رہی ہے، سابق وزیر خارجہ شاہ محمود قریشی کو روکنا اس حکومت کی بوکھلاہٹ کو عیاں کرتا ہے، یہ حکومت بنیادی انسانی حقوق کی کھلم کھلا خلاف ورزیاں کر رہی ہے-

انہوں نے مزید کہا کہ حکومت کے جانے کا وقت آگیا ہے۔

بابر اعوان

پی ٹی آئی سینئر رہنما بابر اعوان نے ٹوئٹ کرتے ہوئے کہا کہ سی ڈی اے کے وزیراعظم نے شاہ محمود قریشی کو کسانوں سے غیر آئینی طور پر ملنے سے روکا، سن لو امپورٹڈ، اِس دفعہ عوام تمہیں پھکّی دینے آرہے ہیں۔

اسلام آباد پولیس کا موقف

دوسری جانب اسلام آباد پولیس نے اپنا موقف سامنے رکھا کہ شاہ محمود قریشی کسان اتحاد کے احتجاج کا حصہ نہیں تھے۔

پولیس کا کہنا تھا کہ انہوں نے پولیس کے کام میں رکاوٹ بننے کی کوشش کی، پولیس افسران نے ان کے دھمکی آمیز ریمارکس کو صبر و تحمل سے سنا۔

اسلام آباد پولیس کا کہنا تھا کہ اسلام آباد کیپیٹل پولیس اپنے فرائض منصبی بغیر کسی حیل و حجت کے اور بلا تفریق جاری رکھے گی، صبر و تحمل اور قانون کی پاسداری پولیس کی تربیت کے اہم اجزاء ہیں۔

واضح رہے کہ مہنگی بجلی و کھاد پاکستان کسان اتحاد کا احتجاجی دھرنا دن بھر ایف نائن پارک میں جاری رہا۔

کسان اتحاد کمیٹی کے حکومتی نمائندوں سے 3 مذاکراتی دور ہوئے۔

آخری مذاکراتی دور میں وزیر داخلہ رانا ثناء اللہ کسان اتحاد وفد کو یقین دہانی کروائی جس پر کسانوں نے احتجاجی دھرنا پرامن طور پر ختم کر دیا۔

 

 

Best Car Accident Lawyer

admin 3140 posts 0 comments
You might also like More from author

Comments are closed.