پاک فضائیہ کی سیلاب متاثرہ علاقوں میں امدادی کارروائیاں

پاک فضائیہ کی جانب سےسیلاب سے متاثرہ علاقوں میں امدادی کارروائیاں اور ڈیزاسٹر ریلیف آپریشنز جاری ہے۔

ترجمان پاک فضائیہ کے مطابق پاک فضائیہ کی جانب سے خیبرپختونخوا، سندھ، بلوچستان اور جنوبی پنجاب کے سیلاب سے متاثرہ علاقوں میں امدادی کارروائیاں اور ڈیزاسٹر ریلیف آپریشنز جاری ہیں۔

ترجمان کا کہنا تھا کہ پاک فضائیہ کی ریجنل کمانڈز اور ائیر بیسز سیلاب زدہ علاقوں میں سیلاب متاثرین کو خوراک، رہائش، طبی سہولیات اور ضروری سامان کی فراہمی میں سرگرم عمل ہیں۔

ترجمان نے بتایا کہ پاک فضائیہ نے سیلاب متاثرین کے لیے 4848 خیمے، 377457 تیار کھانے کے پیکٹ، 3095.25 ٹن خشک راشن اور 231,693 لیٹر پینے کا صاف پانی فراہم کیا۔

مزید برآں، پاک فضائیہ نے 45 میڈیکل کیمپس قائم کیئے ہیں جہاں اب تک 56559 مریضوں کا طبی معائنہ بھی کیا جا چکا ہے۔ 19807 افراد کی رہائش کے لیے 20 ٹینٹ سیٹیز اور 54 ریلیف کیمپس بھی قائم کیئے گئے ہیں۔

پاک فضائیہ کے ہیلی کاپٹرز اور ٹرانسپورٹ فلیٹ نے بھی گزشتہ 24 گھنٹوں کے دوران 255 پروازیں کیں اور سیلاب سے متاثرہ علاقوں میں پھنسے 99 افراد کو باحفاظت نکالا ہے۔