پاکستان کے پہلے سنٹرل بزنس ڈسٹرکٹ پنجاب میں100 سے زائد عمودی عمارتوں کی گنجائش ہوگی، عمران خان

چیئرمین  تحریک انصاف عمران خان نے کہا ہے کہ  پاکستان کے پہلے سنٹرل بزنس ڈسٹرکٹ  پنجاب میں100 سے زائد عمودی عمارتوں کی گنجائش ہوگی۔

سماجی رابطے کی ویب سائٹ ٹوئٹر پر اپنے جاری کردہ ٹوئٹ پیغام میں چیئرمین  تحریک انصاف عمران خان نے لکھا کہ پاکستان کے پہلے سنٹرل بزنس ڈسٹرکٹ  پنجاب میں100 سے زائد عمودی عمارتوں کی گنجائش ہوگی۔

@CBDPunjab کوغیراستعمال شدہ سرمائےکومعقول سرمایہ کاری میں ڈھال کر دولت کی تخلیق کی راہ ہموارکرنے کاکام سونپاگیاہے۔بےپناہ صلاحیتوں کےحامل ایسے منصوبوں کوپنجاب کےدیگراضلاع تک توسیع دی جائےگی اورمقامی+بیرونی سرمایہ کاری کیلئےمواقعوں کےذریعےمعاشی نمو+خوشحالی کااہتمام کیاجائےگا

— Imran Khan (@ImranKhanPTI) September 18, 2022

جاری کردہ ٹوئٹ پیغام میں عمران خان لکھتے ہیں کہ عمودی تعمیرات کے مستقبل کے پیشِ نظرلاہور کے مین بولیوارڈ میں زمینی کام کا آغاز اکتوبر  2022میں کیا جائے گا، جس سے گرد و نواح کے پورے انفراسٹرکچر کو نئی ہیئت ملےگی۔

انہوں نے کہا کہ سنٹرل بزنس ڈسٹرکٹ پنجاب کوغیراستعمال شدہ سرمائے کو معقول سرمایہ کاری میں ڈھال کر دولت کی تخلیق کی راہ ہموارکرنے کا کام سونپا گیا ہے۔

عمران خان کا مزید کہنا ہے کہ بے پناہ صلاحیتوں کے حامل ایسے منصوبوں کوپنجاب کے دیگراضلاع تک توسیع دی جائےگی۔