ملک بھر میں موسم گرم رہنے کا امکان

ملک بھر میں موسم گرم رہنے کا امکان ظاہر کیا گیا یے۔

محکمہ موسمیات کا کہنا ہے کہ آج ملک کے اکثر علاقوں میں موسم گرم اور مرطوب رہے گا۔

صوبہ سندھ

محکمہ موسمیات نے بتایا ہے کہ صوبہ سندھ کے بیشتر اضلاع میں آج موسم گرم اور مرطوب رہے گا البتہ تھرپارکر، بدین، عمر کوٹ ، میر پور خاص اور سندھ کے ساحلی علاقوں میں چند مقامات پر تیز ہواؤ ں  کے ساتھ ہلکی بارش ہو سکتی ہے۔

صوبہ پنجاب

صوبہ پنجاب کے بیشتر اضلاع میں بھی موسم گرم اور مرطوب رہے گا جبکہ خطہ پوٹھو ہار، سیالکوٹ، نارووال، لاہور، گوجرانوالہ، گجرات،سرگودھا، حافظ آباد اور منڈی بہاؤالدین میں تیز ہواؤں اور گرج چمک کے ساتھ بارش کا امکان ہے۔

صوبہ بلوچستان

 صوبہ بلوچستان کے بیشتر اضلاع میں آج موسم گرم اورخشک رہے گا تاہم لسبیلہ،آوران، بارکھان ، ژوب ، موسیٰ خیل، قلات اور خضدار میں تیز ہواؤں کے ساتھ بارش کا امکان ہے۔

 صوبہ خیبرپختونخوا

صوبہ خیبرپختونخوا کے بیشتر اضلاع میں بھی  آج موسم گرم اورخشک رہے البتہ دیر،چترال،سوات،کوہستان، مانسہرہ، ایبٹ آباد، ہری پور، مالاکنڈ،بونیر، باجوڑ ، مہمند،خیبر،پشاور،مردان، صوابی ،نوشہرہ اور کرم میں تیز ہواؤں اور گرج چمک کے ساتھ بارش کا امکان ہے۔

چیف میٹرولوجسٹ سردار سرفراز