مفتاح اور اسحاق ملکر بھی ملک کے معاشی حالات ٹھیک نہیں کر سکتے، شیخ رشید

سابق وزیر داخلہ شیخ رشید احمد نے کہا ہے کہ مفتاح اور اسحاق ڈار ملکر بھی معاشی حالات ٹھیک نہیں کر سکتے۔

سماجی رابطے کی ویب سائٹ ٹوئٹر پر اپنے جاری کردہ ٹوئٹ پیغام میں سابق وزیر داخلہ شیخ رشید نے لکھا کہ نیب قوانین میں من مانی ترامیم اپنی ذات کےلیے کی گئیں، جس دن فردجرم لگنی تھی اس دن شہبازشریف نے وزارت عظمیٰ کاحلف اٹھایا۔

نیب قوانین میں من مانی ترامیم اپنی ذات کےلیے کی گئیں۔ جس دن فردجرم لگنی تھی اس دن شہبازشریف نےوزارت عظمیٰ کاحلف اٹھایا۔نیویارک جانےوالوں نےہزاروں ڈالرروزانہ کےکمرےمیں ٹھہرکرسیلاب کی امدادمانگی۔جتنی شاہ خرچی امریکہ میں کی گئی اتنی مددبھی نہیں ملی72 وزراء پرہائیکورٹ میں رٹ دائرکردی

— Sheikh Rashid Ahmed (@ShkhRasheed) September 24, 2022

جاری کردہ ٹوئٹ میں شیخ رشید لکھتے ہیں کہ نیویارک جانے والوں نے ہزاروں ڈالر روزانہ کے کمرے میں ٹھہر کر سیلاب کی امداد مانگی، جتنی شاہ خرچی امریکہ میں کی گئی اتنی مدد بھی نہیں ملی۔

انہوں نے کہا کہ مفتاح اور اسحاق ڈار ملکر یا لڑکر بھی معاشی حالات ٹھیک نہیں کر سکتے، گولیاں اور ڈرون عوام کا راستہ نہیں روک سکتیں۔

 شیخ رشید کا مزید کہنا تھا کہ دنیا میں پیٹرول سستا اور پاکستان میں مہنگا ہو رہا ہے۔