عمران خان کی بول پر پابندی لگانے کی شدید مذمت

چیئرمین تحریک انصاف عمران خان نے بول نیوز اور بول انٹرنیٹ پر پابندی لگانے کی شدید الفاظ میں مذمت کی ہے۔

تفصیلات کے مطابق چیئرمین تحریک انصاف اور سابق وزیراعظم عمران خان نے سماجی رابطے کی ویب سائٹ ٹویٹر پر اپنے ایک پیغام میں کہا کہ امپورٹڈ حکومت نے بول نیوز کو ملک کی سب سے بڑی پارٹی کو دکھانے پر سزا دی ہے۔

امپورٹڈحکومت نےمیڈیا+صحافیوں پرسنسرشپ اور ایذاء رسانی کو فسطائیت کی سطح تک پہنچا دیاہے۔اب بول کو محض اس لئےمعطل کردیاگیاہےکہ اس نےہمیں کوریج دی۔تمام میڈیا ہاوسزکیلئے پیغام ہےکہ سب سےبڑی+ مقبول ترین قومی سیاسی جماعت کوصفِ اوّل کےذرائع ابلاغ سےہٹادیاجائے۔یہ یکسرناقابلِ قبول ہے pic.twitter.com/7pedfHP4rO

— Imran Khan (@ImranKhanPTI) September 5, 2022

عمران خان نے کہا کہ بول نیوز کو بند کرکے تمام میڈیا ہاوسزکو پیغام دیا ہے کہ وہ ملک کی مقبول ترین پارٹی کا بلیک آوٹ کریں۔

اپنے پیغام میں سابق وزیراعظم عمران خان نے مزید کہا کہ بول نیوز کی بندش اور میڈیا پر پابندیاں ناقابل قبول ہیں۔

بول کو بولنے دو، امپورٹڈ حکومت نے بول کو بند کردیا

امپورٹڈ حکومت کا آزادی صحافت پر وار، حق اور سچ بتانے پر بول ٹی وی اور بول انٹرٹینمنٹ کی نشریات پر پابندی لگا دی گئی۔

پاکستان الیکٹرانک میڈیا ریگولیٹری اتھارٹی ( پیمرا) کی جانب سے بول کی نشریات بند کرنے کا حکم نامہ بھی جاری کردیا گیا،عوام اور صحافتی حلقے مطالبہ کررہے ہیں کہ بول کو بولنے دو۔

پیمرا نے بول نیوز پر پابندی عائد کردی
امپورٹڈ حکومت کا آزادی صحافت پر حملہ
اسامہ غازی ظلم کے خلاف بول اٹھے#ImportedGovt #PEMRA #UsamaGhazi #AbPataChala #BOLNews@ghaziusama pic.twitter.com/8UPGH2WC5A

— BOLNetwork (@BOLNETWORK) September 5, 2022

چند گھنٹوں کی بندش سے دل نہ بھرا تو امپورٹڈ حکومت نے مستقل بنیادوں پر پابندی لگا دی۔

بول نے عمران خان کے ساتھ ساتھ سب کے جلسوں کو کوریج دی اور عمران خان کی آواز سب تک پہنچائی لیکن یہی بات امپورٹڈ حکومت کو پسند نہ آئی اس لئے انہوں حق اور سچ کی آواز پر تالا لگا دیا۔

عمران خان کے جلسوں کے دوران بول دو دو گھنٹے بند کیا جاتا رہا لیکن اب پیمرا نے مکمل بندش کا حکم دیدیا۔

بول حق کے ساتھ پہلے کی طرح ہمیشہ کھڑا رہے گا، بول جھکے گا نہیں ڈرے گا نہیں اور سچائی کے بول بولتا رہے گا۔