پاکستان اور ترکی کے مثالی تعلقات کی سچی روایت میں ہے، وزیراعظم

وزیراعظم نے کہا ہے کہ پاکستان اور ترکی کے مثالی تعلقات کی سچی روایت میں ہے۔

تفصیلات کے مطابق وزیر اعظم شہبازشریف کا ترک صدر رجب طیب اردوان سے ٹیلی فونک رابطہ ہوا جس میں دو طرفہ تناظر میں وزیراعظم نواز شریف نے تمام شعبوں میں تعلقات کو فروغ دینے کے عزم کا اعادہ کیا۔

شہباز شریف نے سیلاب زدگان کی مد د کے لئے 12 ترک فوجی طیاروں، 04 ‘گڈنیس ٹرینوں’ اور 02 ترک ریڈ کریسنٹ ٹرکوں کے ذریعے خیموں، ہنگامی خوراک کی اشیاء اور ادویات کی فوری روانگی کی صورت میں پاکستان کو انسانی بنیادوں پر امداد فراہم کرنے پر صدر اردگان اور ترک عوام کا شکریہ ادا کیا اور کہا کہ یہ پاکستان اور ترکی کے مثالی تعلقات کی سچی روایت میں ہے۔

وزیراعظم نے اظہار یکجہتی اور حمایت کے طور پر یکم ستمبر 2022 کو  ترک وزیر داخلہسلیمان سویلو ، وزیر برائے ماحولیات اور شہری کاری مرات کروم ، اے ایف اے ڈی کے سربراہ اور ٹوکی کے نمائندے کی طرف سے سیلاب سے ہونے والی تباہی کو ذاتی طورپر دیکھنے کے لئے کیے گئے دورے پربھی اظہار تشکر کیا۔

شہباز شریف نے صدر اردگان کو سیلاب سے ہونے والی تباہی سے آگاہ کرتے ہوئے کہا کہ ابتدائی اندازوں کے مطابق سیلاب کی وجہ سے پاکستان کی جی ڈی پی میں 2 فیصد سے زائد کمی کا امکان ہے۔

انہوں نے کہا کہ سیلاب نے ملک میں لاکھوں ایکڑ رقبے پر کھڑی فصلوں ، مکانات اور اہم انفراسٹرکچر کو تباہ کر دیا ہے۔

شہبازشریف نے مزید کہا کہ پاکستان ملک میں غذائی عدم تحفظ کے فوری طور پر چیلنج سے نبرد آزما ہے اور ساتھ ہی اس موسمیاتی آفت کے متاثرین کی بحالی اور بحالی کا کام بھی کر رہا ہے۔

وزیراعظم شہباز شریف نے صدر اردوان کو حکومت کی جانب سے جاری امدادی سرگرمیوں کے بارے میں آگاہ کیااور خوراک کی کمی پر قابو پانے کے ساتھ ساتھ سیلاب سے متاثرہ علاقوں کی تعمیر نو اور بحالی کے لیے ترکی کی مدد حاصل کرنے کے اپنے ارادے کا اظہار بھی کیا۔