ڈیرہ اسماعیل خان میں ٹریکٹر اور ہینو ٹرک کے درمیان خوفناک تصادم ہونے کے باعث 10 افراد جاں بحق جبکہ 33 افراد شدید زخمی ہو گئے ہیں۔
تفصیلات کے مطابق یہ واقعہ ڈیرہ اسماعیل خان میں مغل کوٹ کے ساتھ شمبہ زرند کے قریب پیش آیا ہے۔
ریسکیو ذرائع کا کہنا ہے کہ حادثے میں 6 خواتین سمیت 4 افراد موقع پر جاں بحق جبکہ 33 افراد شدید زخمی ہو گئے ہیں۔
ریسکیو ٹیموں نے تمام زخمیوں اور جانبحق افراد کو درازندہ اسپتال منتقل کر دیا ہے۔
شدید زخمی افراد کو ڈسٹرکٹ ہیڈ کواٹر اسپتال منتقل کیا جا رہا ہے۔
واضح رہے کہ دنیا بھرمیں ٹریفک حادثے انسانی جانوں کے لیے ایک بڑے خطرے کے طور پر سامنے آ رہے ہیں، عالمی ادارہ صحت کے مطابق ہر سال لاکھوں افراد ٹریفک حادثات کی وجہ سے اپنی جانوں سے ہاتھ دھو بیٹھتے ہیں۔
ایک عالمی تحقیقاتی ادارے کے مطابق پاکستان میں ہلاکتوں کا باعث بننے والے پچاس عوامل اور بیماریوں میں ٹریفک حادثات پندرہویں نمبر پر ہیں۔
پاکستان میں ایڈز، ناقص خوراک، مرگی، تشدد کئی قسم کے سرطان اور خود کشیوں کی وجہ سے انفرادی طور پر ہونے والی اموات سے ٹریفک حادثات میں مرنے والے لوگوں کی تعداد زیادہ ہے۔
اس رپورٹ کے مطابق سب سے زیادہ ٹریفک حادثات موٹر سائیکل سواروں، آٹو رکشا والوں اور موٹر کاروں اور وینز چلانے والوں کو پیش آئے اس کے بعد بسوں اور ٹرکوں کے حادثات رپورٹ ہوئے ہیں۔