چیئرمین پی ٹی آئی عمران خان نے نوجوانوں کو “عمران ٹائیگرز” میں شمولیت اختیار کرنے کی دعوت دے دی۔
تفصیلات کے مطابق سابق وزیر اعظم و چیئرمین پاکستان تحریک انصاف عمران خان نے اپنے ایک بیان میں کہا کہ میں اپنے نوجوانوں کو “عمران ٹائیگرز” میں شمولیت کی دعوت دے رہا ہوں،”عمران ٹائیگرز” میں میرے ملک کے وہ جنونی نوجوان ہوں گے جو گھر گھر میرا پیغام لے کر جائیں گے۔
سابق وزیر اعظم نے کہا کہ میرا پیغام حقیقی آزادی کا پیغام ہے، میرا پیغام ہے کہ کیسے ہم ایک خودار قوم بن سکتے ہیں۔
عمران خان نے یہ بھی کہا کہ ملک میں ناانصافی اور جہالت کا نظام ہے، غریب چوری کرے تو وہ جیل میں، امیر چوری کرے تو اس کو این آر او مل جاتا ہے۔
ان کا کہنا تھا کہ ہم بدقسمتی سے اب تک آزاد قوم نہیں بن سکے، اقبال کا شاہین وہ ہے جو زنجیریں توڑ کر پرواز کرتا ہے،حقیقی آزادی کا سفر اب فیصلہ کن مرحلے میں داخل ہو چکا ہے۔
چیئرمین پاکستان تحریک انصاف کا یہ بھی کہنا تھا کہ مجھے حقیقی آزادی کا پیغام پہنچانے کے لیے اپنے نوجوانوں کی ضرورت ہے جبکہ مجھے الیکشن کے دن دھاندلی روکنے کے لیے بھی اپنے نوجوانوں کی ضرورت ہے۔
انہوں نے کہا کہ معافیا دھاندلی سے الیکشن جیت جاتا ہے، چاہتا ہوں نظریاتی نوجوان پولنگ اسٹیشن پر موجود رہیں، ہم انشاءاللہ دھاندلی کے باوجود اس ملک کو مافیا سے آزاد کروائیں گے۔
عمران خان نے یہ بھی کہا کہ اپنے بیان میں عمران خان نے “عمران ٹائیگرز” میں شمولیت کا طریقہ کار بھی سمجھایا اور کہا کہ1119444 – 0300 واٹس ایپ نمبر پر yes لکھ کر سینڈ کریں اور آج سے “عمران ٹائیگر” کا حصہ بن جائیں۔
چیئرمین پی ٹی آئی عمران خان کا مزید کہنا تھا کہ یس لکھنے کے بعد ایک ویب سائٹ کا نام میسج میں آئے گا،اس میں رجسٹر ہو جائیں، چاہتا ہوں کہ سب نوجوان اس میں بھرپور طریقے سے شرکت کریں کیونکہ یہ حقیقی آزادی کی طرف پہلا قدم ہوگا۔