پاکستان میں بہت ٹیلنٹ ہے جسے پرموٹ کر رہے ہیں، عون چودھری

عون چودھری نے کہا ہے کہ پاکستان میں بہت ٹیلنٹ ہے جسے پرموٹ کر رہے ہیں۔

تفصیلات کے مطابق مشیر وزیراعظم عون چودھری نے ہائی کمیشن آف پاکستان کے باہر میڈیا سے گفتگو کرتے ہوئے کہا کہ نومبر میں ہماری ڈبلیو ٹی ایم نمائش کے حوالے سے ہم نے ہائی کمشنر سے ملاقات کی ہے۔

انہوں نے کہا کہ ملاقات میں سیلاب سے ہونے والی تباہی پر گفتگو ہوئی ہے جبکہ ہائی کمشنر سے درخواست کی ہے کہ اوورسیز پاکستانیوں سے سیلاب زدگان کی مدد کی اپیل کریں۔

عون چودھری نے کہا کہ ہم نمائش میں پاکستانی سیاحت کو پرموٹ کرینگے جبکہ نمائش میں پاکستانی وفد بھی اپنا سٹال لگائے گا۔

ان کا کہنا تھا کہ پاکستان کے ٹور آپریٹرز نومبر میں ہونے والی نمائش میں بھرپور شرکت کرینگے جبکہ ساؤتھ ایشین گیمز کے لئے تیاریاں بھی کر رہے ہیں، پاکستان میں بہت ٹیلنٹ ہے جسے پرموٹ کر رہے ہیں۔

مشیر وزیراعظم عون چودھری نے مزید کہا کہ ہماری کوشش ہے زیادہ سے زیادہ پاکستانی لوگ باہر جا کر ملک کی نمائندگی کریں۔