ٹھٹھہ میں خطرناک ٹریفک حادثہ پیش آیا ہے۔
تفصیلات کے مطابق ٹھٹھہ کراچی قومی شاہراھ پر درگاھ سخی داتار پر جانے والے موٹر سائیکل سوار زائرین کے حادثے میں 2 افراد جاں بحق جبکہ 19 زخمی ہوگئے ہیں۔
ریسکیو حکام کا کہنا ہے کہ حادثے میں جاں بحق ہونے والوں کی شناخت گھارو کے رہائشی ساحل غوری اور کراچی کے رہائشی عبد الرزاق جوکھیو کے طور پر ہوئی ہے۔
ریسکیو حکام نے بتایا کہ بڑی تعداد میں کراچی کے نوجوان موٹر سائیکلوں پر درگاھ سخی داتار پر حاضری دینے کے لئے جا رہے ہیں کہ حادثات تیز رفتاری کے باعث پیش آئے۔
خیال رہے کہ قومی شاہراہ پر ٹریفک پولیس نوجوانوں کو کنٹرول کرنے میں ناکام دکھائی دے رہی ہیں۔