وزیراعظم آزاد کشمیر سردار تنویر الیاس خان کا باغ اور راولاکوٹ کے دورے کا شیڈول جاری کردیا گیا ہے۔
تفصیلات کے مطابق وزیراعظم آزاد جموں و کشمیر اور تحریک انصاف آزادکشمیر کے صدر سردار تنویر الیاس خان مورخہ 5 ستمبر کو صبح دارالحکومت مظفرآباد سے اپنے انتخابی ضلع باغ کے لئے روانہ ہوں گئے۔
وزیراعظم آزاد کشمیر کے ہمراہ وزراء حکومت، تحریک انصاف آزاد کشمیر کی قیادت سمیت سیاسی کارکنوں کی بڑی تعداد قافلے کا حصہ ہو گی جبکہ وزیراعظم آزادکشمیر کے قافلے کا کوہالہ، دھیرکوٹ ، ارجہ ، منگ بجری، نعمان پورہ اور باغ شہر پہنچنے پر شاندار استقبال ہو گا۔
مقامی پی ٹی آئی قیادت نے قائد کشمیر سردار تنویر الیاس کو خوش آمدید کہنے کیلیے بھرپور تیاری کر رکھی ہے، وزیراعظم سردار تنویرالیاس خان ، وزرائے کرام اور پی ٹی آئی رہنماؤں کے ہمراہ باغ میں ایک بڑے جلسہ عام سے خطاب کریں گے
وزیر اعظم آزاد کشمیر باغ شہر سمیت اپنے حلقہ انتخاب کی تعمیر و ترقی کا لائحہ عمل دیں گے جبکہ وزیراعظم آزادکشمیر سردار تنویر الیاس خان جلسے کے بعد باغ ریسٹ ہاؤس باغ میں وفود سے ملاقات بھی کریں گے۔
مورخہ 6 ستمبر کو یوم دفاع کے تناظر میں باغ شہر میں منعقد شہید اول سید خادم حسین شہید کی برسی میں شرکت کریں گے جبکہ 6 ستمبر کو وزیراعظم ، وزراء اور پارٹی قائدین کے ہمراہ باغ سے اپنے آبائی حلقے پونچھ 5 کیلیے روانہ ہونگے۔
6 ستمبر کو ارجہ کے مقام پہ قائدکشمیر کا شاندار استقبال ہوگا جس کے لئے پونچھ کے رہنماؤں نے بھرپور تیاری کر رکھی ہے، وزیراعظم چھ ستمبر کو سردار صغیر چغتائی شہید کی قبر پرحاضری دیں گے اور پھر برسی کی دعائیہ تقریب میں شریک ہونگے ۔
وزیراعظم آزاد جموں و کشمیر سردار تنویر الیاس خان مورخہ7 ستمبر کو سابق پرنسپل سردار باغ حسین مرحوم کی رہائش گاہ پر تعزیت کریں گے۔