نیوزی لینڈ کا دورہ؛ پاکستان کی 3 کے بجائے 5 ٹی ٹوئنٹی میچز کھیلنے کی پیشکش

ورلڈ کپ ٹی 20 کی تیاریوں کے لیے پاکستان نے نیوزی لینڈ کو 2 اضافی ٹی ٹوئنٹی میچز کھیلنے کی تجویز دے دی۔ پہلے سے طے شدہ پروگرام میں تین ون ڈے اور تین ٹی ٹوئنٹی میچز رکھے گئے تھے۔

پی سی بی نے 2 اضافی ٹی ٹوئنٹی میچز کھیلنے کی درخواست کرنے کی ایکسپریس نیوز کو تصدیق کرتے ہوئے واضح کیا کہ ہم نے کیوی بورڈ سے 3 کے بجائے 5 ٹی ٹوئنٹی کھیلنے کی پیشکش کی یے تاکہ دونوں ٹیموں کو 17 اکتوبر سے یو اے ای میں شروع ہونے والے ٹی ٹوئنٹی ورلڈ کپ کی بہتر تیاری میں مدد مل سکے۔ ابھی دونوِں بورڈز کی اس معاملے پر بات چیت چل رہی ہے۔ میچز کی تعداد 5 کرنا ممکن ہوگا کیونکہ سیریز کی تاریخوں کو حتمی منظوری نہیں دی گئی۔

یاد رہے کہ ویسٹ انڈیز کے ساتھ سیریز کے بعد پاکستان اور افغانستان کے میچز یو اے ای میں مجوزہ ہیں۔