ملک بھر میں بارشوں اور سیلاب کی تباہ کاریاں جاری ہیں۔
تفصیلات کے مطابق سیلاب اور بارشوں کے نقصان سے متعلق این ڈی ایم اے نے رپورٹ جاری کردی ہے۔
1033 افراد جاں بحق
جاری کردہ رپورٹ میں بتایا گیا ہے کہ چوبيس گھنٹوں کے دوران مزيد 119 افراد زندگى کى بازى ہارے ہیں جس کے بعد 14 جون سے اب تک ملک بھر میں کل 1033 افراد جاں بحق ہوگئے۔
اين ڈى ايم اے کا کہنا ہے کہ سندھ ميں 76 ، خيبرپختونخواہ میں 31، بلوچستان میں 4 ،گلگت بلتستان میں 6 اور آزاد کشمير میں 1 ہلاکت ہوئى ہے۔
اين ڈى ايم اے کا کہنا ہے کہ ملک بھر میں 456 مرد، 207 خواتين اور 348 بچے جاں بحق ہوئے ہیں۔
15 سو سے زائد افراد زخمی
اين ڈى ايم اے نے بتایا کہ ملک بھر میں اب تک کل زخميوں کى تعداد 1527 ہو گئى ہے جبکہ چوبيس گھنٹوں کے دوران مزید 71 افراد زخمى ہوئے۔
اين ڈى ايم اے کا کہنا ہے کہ سندھ زخمى افراد میں سرفہرست ہے، سندھ میں تعداد 1009 پہنچ گئى جبکہ کے پى 282 ، پنجاب 105 اور بلوچستان میں 106 افراد زخمى ہوئے ہیں۔
6 لاکھ سے زائد مکانات بہہ گئے
اين ڈى ايم اے کی جاری کردہ رپورٹ میں بتایا گیا کہ ملک بھرمیں سیلاب سے 662446 مکانات جزوی اور 287412 مکمل طور پر تباہ ہوئے ہیں۔
اين ڈى ايم اے نے بتایا کہ بلوچستان میں این 25 شاہراہ لینڈسلائیڈنگ کی وجہ سے کوئٹہ سے کراچی کیلئے بند ہے جبکہ گلگت بلتستان میں نلتر،غذر ،شندور اور ششپر ويلى روڈ سیلاب کی وجہ سے بند ہیں۔
اسکے علاوہ سندھ میں 2328 کلوميٹر سڑک جبکہ بلوچستان میں 1000 کلو ميٹر سڑک حاليہ بارشوں اور سيلاب سے تباہ ہوئى ہے۔
ملک بھر کے 149 پلوں کو سيلاب سے نقصان پہنچا ہے۔
7 لاکھ مویشی ہلاک
سیلاب اور بارشوں کی تباہ کریوں کے باعث ملک بھر میں 7 لاکھ 19 ہزار 558 مال مویشی ہلاک ہوچکے ہیں۔