مریم نواز کا یہودی بیانیہ ،انہوں نے زندگی میں کبھی کوئی کتاب نہیں پڑھی

وفاقی وزیر اطلاعات و نشریات چوہدری فواد حسین نے کہا ہے کہ مریم بی بی نے زندگی میں کبھی کوئی کتاب نہیں پڑھی، دور دور تک ان کا علم، عقل اور کتاب سے کوئی تعلق نہیں، ایسی جہاندیدہ خاتون سے کیا توقع کی جا سکتی ہے۔ بدھ کو اپنے ایک ٹویٹ میں انہوں نے کہا کہ بعض دوستوں نے کہا کہ آپ نے مریم نواز کے یہودی بیانئے پر بات نہیں کی،دیکھیں مریم بی بی نے زندگی میں کبھی کوئی کتاب نہیں پڑھی۔ انہوں نے کبھی کوئی کام نہیں کیا، ان کی کل سیاسی تربیت عابد شیر علی، عظمی اور حنا کی ہے، دور دور تک ان کا علم، عقل کتاب سے تعلق نہیں،ایسی جہاندیدہ خاتون سے آپ توقع ہی کیا کر سکتے ہیں۔ سارا زور صرف عمران خان کی مخالفت ہے، ان سے عقل کی توقع کرنا جوئے شیر لانے کے مترادف ہے، ان کی کل سی وی یہ ہے کہ وہ نواز شریف کے گھر پیدا ہوئیں جنہوں نے عہدے کے غلط استعمال سے اربوں روپے بنائے اور اب سارا خاندان بادشاہت کا مزہ لینا چاہتا ہے۔