خواجہ سعد رفیق
وفاقی وزیر ہوابازی و ریلویز خواجہ سعد رفیق نے کہا ہے کہ قومی ایئرلائن مسائلستان بن چکا ہے۔
سعد رفیق نے لاہور میں میڈیا سے گفتگو کرتے ہوئے کہا کہ پی آئی اے کسی کو آفر کی گئی نہ فروخت کی جا رہی ہے جھوٹی خبریں پھیلانے والے باز آجائیں، نیو یارک ہوٹل کسی کو نہیں فروخت کیا جارہا۔
انہوں نے کہا کہ کراچی اور اسلام آباد ایئر پورٹ کو بہترین ماڈل کا ایئرپورٹ بنائیں گے لیکن ملکیت حکومت کی ہوگی۔ کیبنٹ کمیٹی میں آٹھ وزراء شامل ہیں طے ہوا ہے کہ تجاویز روزا ویٹ ہوٹل کو دوبارہ شروع کیا جائے۔
‘لینڈ مارک ڈکلیئر ہوگیا تو زمین سستی ہوجائے گی’
وفاقی وزیر نے کہا کہ پاکستان کی مہنگی پراپرٹی ہے لینڈ مارک ڈکلیئر ہوگیا تو زمین سستی ہوجائے گی، نیویارک ہوٹل کا مستقبل ہے کہ ہائی رائز بنے گا اسے بیچنے کی کوئی تجویز نہیں ہے۔
سعد رفیق نے کہا کہ پی آئی اے کا اس سال ریونیو ٹارگٹ ایک سو اڑتیس ارب روپے کمائیں گے اور اس سال جو کمائیں گے 165ارب روپے کمائیں گے۔
‘قومی ایئرلائن کا کرایہ چینی ایئرلائن کے مقابلے میں کم ہے’
انکا کہنا ہے کہ پی آئی اے مسائلستان بن چکا ہے اس کا مقابلہ کرنا ہوگا، پی آئی اے کا کرایہ چین کے مقابلے میں کم ہے، چار لاکھ سے بھی نیچے آ گیا ہے۔
وفاقی وزیر ہوابازی نے کہا کہ کورونا کی وجہ سے بیجنگ ڈائریکٹ نہیں جا سکتے ہمیں جیسے اجازت ملے گی تو ایک لاکھ روپے ٹکٹ کم ہوگا۔
انہوں نے کہا کہ کوشش کررہے ہیں جو رعایت دے سکتے تھے دے رہے ہیں، 2 لاکھ 75 ہزار حاجیوں کو سفر کی سہولیات دیں سٹی چیکنگ سے بورڈنگ سے سامان میں مشکلات نہیں ہوئی۔
خواجہ سعد رفیق نے کہا کہ یوم عاشورہ پر نجف و دمشق کے 5 لاکھ مسافروں نے سفر کیا جبکہ پی آئی اے نے 50 ارب روپے اس سال کمایا ہے، پی ای سی کمپلیکس منسٹری آف ڈیفنس کو چلا جائے تو پینسٹھ کروڑ روپے کی پی آئی اے کو بچت ہوگی۔
‘پی آئی اے کے 24 جہاز آپریشنل ہوں گے’
انکا کہنا ہے کہ کراچی و لاہور بزنس کلاس لائونج کو اس ماہ مکمل کریں گے، پی آئی اے کے 24جہاز آپریشنل ہوں گے، پی آئی اے کی ضرورت چالیس جہاز ہیں اچھے جہاز اچھی سیٹوں کے ساتھ مل جائیں، اگر اپنے لوگوں پر اعتماد سیاسی استحکام پالیسیوں کا تسلسل رہے تو ادارے کما کر دیں گے۔
وفاقی وزیر نے مزید کہا کہ ٹریل سیون بزنس جہاز کی سیٹوں کی بہت شکایت ہے جسے تبدیل کررہے ہیں، اے تھری ٹوئنٹی جہاز سے فوم بھی اکھڑ گیا تھا اسے بھی تبدیل کریں گے، فلائٹ انٹریٹمنٹ کے لئے بھی ٹینڈر جاری کیا ٹریل سیون کے جہاز میں اسے اپلائی کریں۔