چیئرمین تحریک انصاف عمران خان کی جانب سے بہاولپور کے کامیاب جلسے پر عوام سے اظہار تشکر کیا گیا ہے۔
سماجی رابطے کی ویب سائٹ ٹوئٹر پر اپنے جاری کردہ ٹوئٹ پیغام میں چیئرمین تحریک انصاف عمران خان نے بہاولپور کی عوام کا شکریہ ادا کرتے ہوئے لکھا کہ بہاولپور میں حقیقی آزادی جلسے میں حیرت انگیز ٹرن آوٹ رہا۔
Amazing turnout in Bahawalpur last night at my Haqiqi Azadi jalsa. Women participation was unprecedented despite the hot and humid conditions. And what stood out was the high level of understanding of all current issues by the record crowd. Thank you Bahawalpur. pic.twitter.com/G5DnijxHyi
— Imran Khan (@ImranKhanPTI) September 4, 2022
جاری کردہ ٹوئٹ میں عمران خان لکھتے ہیں کہ گرمی کے باوجود خواتین کی بڑی تعداد نے جلسے میں شرکت کی۔
انہوں نے مزید کہا کہ لوگوں کی بڑی تعداد کو مسائل کی سمجھ آرہی ہے۔
واضح رہے کہ بہاولپور میں ہونے والے پارٹی کے جلسے سے خطاب کرتے ہوئے کہا عمران خان کا کہنا تھا کہ بہاولپور آکر مجھے بہت خوشی ہوئی ، ہماری قوم ایک زندہ قوم بن چکی ہے، یہ ایک عظیم قوم بننے جا رہی ہے، اللہ نے میری قوم کو بیدار کر دیا ہے۔
چیئرمین پی ٹی آئی نے کہا کہ ساڑھے 3 سال حکومت میں بیٹھ کر عیاشی کرتا ہے اور پھر لوٹا بن جاتا ہے، مجھ سے وعدہ کریں آپ نے اس لوٹے کو کبھی کامیاب ہونے نہیں دینا ہے، لوٹوں کے دن ختم ہو گئے ہیں۔
ان کا کہنا تھا کہ ضمیر فروشوں کے دن پرانے پاکستان میں رہ گئے، مخالفین بھی قائد اعظم کو صادق اور امین سمجھتے ہیں، صرف ایک آزاد قوم کی پرواز اوپر ہوتی ہے، وعدہ کریں آپ کبھی اللہ کے سوا کسی کے سامنے نہیں جھکیں گے۔
انہوں نے کہا کہ شہباز شریف ساری قوم تو محنت کر رہی ہے لیکن آپ تو چوری کر کے سارا پیسہ باہر لے کر جار ہے ہیں، پانامہ لیکس کے بعد پتا چلا کہ لندن میں اربوں کے فلیٹس مریم نواز کے نام پر ہیں۔