پاکستان کے سب سے بڑے نیوز چینل ’’بول نیوز‘‘ پر پاکستان کے سب سے بڑے پینلسٹ آج عوام کو لمحہ بہ لمحہ الیکشن کی خبروں سے آگاہ کرتے رہے۔
بول نیوز پر موجود تمام صحافی اپنے ناظرین کو صبح سے الیکشن کی ہر خبر دیتے رہے۔
بول نیوز پر پینلسٹ کی ٹیم میں سمیع ابراہیم بھی شامل رہے جو صحافت کے میدان میں کسی تعارف کے محتاج نہیں، آپ نجی چینلز اور اخبارات سے منسلک رہے ہیں اور یہ اب ایک قابل قدر تجزیہ کار اور تجربہ کار نیوز اینکر کے طور پر بول نیوز سے منسلک ہیں۔
اس کے علاوہ بول نیوز کے پینلسٹ میں نامور صحافی عمران ریاض خان بھی شامل ہیں جنہوں نے حال ہی میں بول نیوز جوائن کیا ہے ۔ عمران ریاض خان نے اپنے کیرئر کا آغاز ایکسپریس نیوز سے کیا بعد ازاں وہ جی این این اور سماء نیوز سے بھی وابستہ رہے۔
جیسمین منظور بھی آج بول نیوز پر اپنے ناظرین کو الیکشن کی ہر خبر سے آگاہ کرتی رہیں، آپ ملک کے نامور چینلز میں صحافتی ذمہ داریاں سرانجام دے چکی ہیں اور آپ کے کام کو وسیع حلقے میں پسند کیا جاتا ہے جب کہ سوشل میڈیا پر بھی آپ کی فین فالونگ لاکھوں میں ہے۔
واضح رہے کہ بول نیوز پر تمام صحافی اپنے ناظرین کو الیکشن کی ہر خبر سب سے پہلے پہنچانے میں ہمیشہ کی طرح کامیاب رہے۔