گورنر سندھ کامران خان ٹیسوری نے کہا ہے کہ جلد کراچی کے تمام تجارتی مراکز کا دورہ کروں گا۔
تفصیلات کے مطابق گورنر سندھ کامران خان ٹیسوری نے کراچی کی مختلف مارکیٹوں کی ایسوسی ایشنز کے سربراہوں کے وفد سے ملاقات کی جس میں وفد نے مارکیٹوں کے اطراف صحت و صفائی کی صورتحال، تجاوزات، لوڈ شیڈنگ، اسٹریٹ کرائمز، اور دیگر مسائل سے گورنر سندھ کو آگاہ کیا۔
ان کا کہنا تھا کہ جلد شہر کے تمام تجارتی مراکز کا دورہ کروں گا، کراچی کی مارکیٹوں کے تمام مسائل حل کئے جائیں گے۔
انہوں نے کہا کہ تجارتی مراکز کے اطراف میں سڑکوں کی استر کاری، فٹ پاتھوں کی مرمت ترجیحی بنیادوں پر کی جائے گی، امن و امان کو یقینی بنانے کے لئے مارکیٹوں کے اطراف پولیس پیٹرولنگ میں اضافہ کیا جائے گا۔
مسائل تفصیل سے سننے پر وفد نے گورنر سندھ کا شکریہ ادا کیا۔