مرتضیٰ وہاب نے کہا ہے کہ بہت جلد شہر کی تمام سڑکیں مکمل بحال ہوجائیں گی۔
تفصیلات کے مطابق ایڈمنسٹریٹر کے ایم سی سندھ حکومت کے ترجمان و مشیر قانون سندھ بیرسٹر مرتضیٰ وہاب نے ضلع جنوبی میں مختلف سڑکوں پر جاری کام کا معائنہ کیا۔
مرتضیٰ وہاب نے کہا کہ بارشوں سے تباہ ہونے والی سڑکوں کی بحالی کے کام کا آغاز کردیا گیا ہے جبکہ میٹروپول ہوٹل کے اطراف کی سڑکوں کی مرمت کی جارہی ہے۔
انہوں نے یہ بھی کہا کہ شہر بھر میں سڑکوں کی مرمت کی جارہی ہے، دو تلوار کے اطراف اور ضلع وسطی میں بھی کام جاری ہے۔
ان کا کہنا تھا کہ بلدیہ عظمی کراچی اور تمام ڈی ایم سیز کی زیر نگرانی مرمتی کام جاری ہے۔
ایڈمنسٹریٹر کے ایم سی سندھ حکومت کے ترجمان و مشیر قانون سندھ بیرسٹر مرتضیٰ وہاب کا مزید کہنا تھا کہ ہم نے شہر کو ایک مرتبہ پھر ترقی کی راہ پر ڈالنا ہے، بہت جلد شہر کی تمام سڑکیں مکمل بحال ہوجائیں گی۔