پاکستان تحریک انصاف کے سینئر رہنما فیصل جاوید نے کہا ہے کہ ایک اسمبلی میں عمران خان نے 11 وکٹیں لے لی ہیں۔
سماجی رابطے کی ویب سائٹ ٹوئٹر پر اپنے ایک پیغام میں فیصل جاوید نے کہا کہ عمران خان ایک ہی اسمبلی انتخابات میں اپنے تمام حلقوں میں کامیابی حاصل کرنے والے دنیا کے واحد لیڈر بن گئے۔
انہوں نے کہا کہ جی ای میں پچھلی بار 5 میں سے 5 سیٹیں اور آج 6 ضمنی انتخابات میں۔
11 wickets for Imran Khan in one assembly – becoming the only leader in the world having won all his constituencies in a single assembly polls. 5 out of 5 seats last time in GEs and 6 today in bye-polls.#بلے_پہ_ٹھپہ
— Faisal Javed Khan (@FaisalJavedKhan) October 16, 2022
ان کا کہنا تھا کہ ہم تو ڈوبے ہیں صنم تمھیں بھی لے ڈوبیں گے، پی ڈی ایم نے ایم کیو ایم کو اپنے ساتھ تباہ کر دیا ہے۔
فیصل جاوید نے کہا کہ کراچی میں ایم کیو ایم کی سیاست اختتام پذیر ہے، انہیں یکے بعد دیگرے بھرپور شکست کا سامنا کرنا پڑ رہا ہے۔
انہوں نے مزید کہا کہ عوام عمران خان کے ساتھ ہیں، عوامی امنگوں سے دوری اور پی ڈی ایم کا ساتھ دینے سے ایم کیو ایم کا کام تمام ہوا۔
ہم تو ڈوبے ہیں صنم-تمھیں بھی لےڈوبیں گے-پی ڈی ایم نے ایم کیو ایم کو اپنے ساتھ تباہ کردیا-کراچی میں ایم کیو ایم کی سیاست اختتام پذیر-یکے بعد دیگرے بھرپور شکست کا سامنا-عوام عمران خان کےساتھ ہیں-عوامی امنگوں سے دوری،پی ڈی ایم کا ساتھ دینے سےایم کیو ایم کا کام تمام ہوا #بلے_پہ_ٹھپہ
— Faisal Javed Khan (@FaisalJavedKhan) October 16, 2022
واضح رہے کہ قومی اسمبلی کے 8 اور پنجاب اسمبلی کے 3 حلقوں میں پولنگ کا وقت ختم ہو گیا ہے جبکہ ووٹوں کی گنتی کا عمل جاری ہے۔