کراچی میں اسکول وین اور ڈمپر میں تصادم کے نتیجے میں 8 بچوں سمیت 14 افراد زخمی ہوگئے ہیں۔
تفصیلات کے مطابق یہ افسوسناک واقعہ کراچی میں سپرہاٸی وے براق پمپ کے قریب پیش آیا ، جہاں اسکول وین اور ڈمپر میں تصادم سے 8 بچوں سمیت 14 افراد زخمی ہوگئے ہیں۔
ریسکیو ذرائع کا کہنا ہے کہ زخمی اسکول کے بچوں کو ڈاؤ اسپتال منتقل کیا گیا ہے جبکہ زخمی بچوں کے ہاتھوں میں شدید نوعیت کے زخم آئے ہیں۔
پولیس حکام کا کہنا ہے کہ حادثے کے دیگر زخمیوں کو عباسی شہید اسپتال منتقل کیا گیا ہے البتہ واقعہ کے حوالے سے مزید تفصیلات حاصل کی جارہی ہیں۔