سابق صدر آصف علی زرداری سے ملاقات کے لئے بلاول بھٹو زرداری ایک بار پھر ضیا الدین اسپتال پہنچ گئے۔
تفصیلات کے مطابق چیئرمین پیپلز پارٹی بلاول بھٹو زرداری نے آصفہ بھٹو کے ہمراہ ایک بار پھر ضیا الدین اسپتال کا دورہ کیا جہاں انہوں نے آصف زرداری کی اب تک ہونے والے علاج سے متعلق طبی ماہرین سے آگاہی لی۔
ڈاکٹر عاصم کی سربراہی میں طبی ماہرین نے بلاول بھٹو زرداری کو بریفنگ دیتے ہوئے کہا کہ آصف زرداری کی طبیعت میں بہتری آئی ہے۔
ذرائع کا کہنا ہے کہ بلاول بھٹو زرداری گزشتہ 3 گھنٹے سے والد آصف زرداری کے ہمراہ ہیں، بلاول بھٹو زرداری اور آصفہ بھٹو زرداری سمیت دیگر قریبی اہل خانہ کی ضیا الدین اسپتال آمد کو خفیہ رکھا جارہا ہے۔
یاد رہے کہ آصف زرداری 27 ستمبر سے ضیا الدین اسپتال کلفٹن میں تاحال زیر علاج ہیں۔