بلال غفار نے کہا ہے کہ آج پاکستان کی فضا خاتم النبیّین ﷺ کے نام سے گونج رہی ہے۔
تفصیلات کے مطابق گلستان جوہر میں جشن عید میلاد النبی ﷺ کے موقع پر جلوس کا اہتمام کیا گیا۔
پی ٹی آئی سی بی ایف ٹاؤن کی تنظیم کی جانب سے جلوس کیلئے استقبالیہ کیمپ لگایا گیا اور پی ٹی آئی کراچی کے صدر بلال غفار نے بھی گلستان جوہر میں عید میلاد النبی ﷺ کے جلوس میں شرکت کی۔
اس موقع پر پی ٹی آئی کراچی کے صدر بلال غفار نے کہا کہ
اللہ تعالیٰ نے رسول اکرم ﷺ کو اپنی رحمت و محبت کا مظہر بنا کر بھیجا ہے، مسلمان حضرت محمد ﷺ کے اصولوں پر عمل کریں تو دنیا سے سارے فتنے ختم ہو سکتے ہیں۔
ان کا کہنا تھا کہ آج پاکستان کی فضا خاتم النبیین ﷺ کے نام اور درود و سلام سے گونج رہی ہے، اللہ کریم اپنے حبیبِ محمد ﷺ کے طفیل ہمیں ہمیشہ صراط مستقیم پر گامزن رکھے اور عشقِ خدا و رسول ﷺ کے فیوض و برکات حاصل کرنے کی توفیق عطا فرمائے رکھے۔
پی ٹی آئی کراچی کے صدر بلال غفار نے مزید کہا کہ اللہ ہمیں اسی طرح ہر سال ملک میں عید میلاد النبی ﷺ عقیدت و احترام اور پرجوش انداز میں منانے کی توفیق عطا فرمائے۔