آئندہ عام انتخابات کیلئے ووٹرز کی حتمی فہرست جاری

الیکشن کمیشن آف پاکستان کی عام انتخابات کے حوالے سے تیاریاں حتمی مراحل میں داخل ہوگئیں، الیکشن کمیشن آف پاکستان نےآئندہ انتخابات کے لیے ووٹرز کی حتمی فہرست جاری کردی ہے۔

الیکشن کمیشن کی جاری کردہ فہرستوں کے مطابق رجسٹرڈ ووٹرز کی مجموعی تعداد 212 کروڑ 21 لاکھ 96 ہزار ہےجن میں 6 کروڑ، 64 لاکھ 6 ہزار مرد جبکہ 5 کروڑ 57 لاکھ 89 ہزار 954 خواتین ووٹرز شامل ہیں۔

صوبہ پنجاب میں رجسٹرڈ ووٹرز کی کل تعداد 7 کروڑ، 62 لاکھ، سندھ میں 2 کروڑ 56 لاکھ 63 ہزار 939 ہے۔

خیبرپختونخوا میں 2 کروڑ 8 لاکھ 21 ہزار 301 اور بلوچستان میں 50 لاکھ 90 ہزار 857 ووٹرز رجسٹرڈ ہیں جبکہ اسلام آباد کے 9 لاکھ 84 ہزار 477 شہری ووٹ کاسٹ کر سکیں گے۔