قادر پٹیل نے کہا ہے یقین ہے کہ عمران خان جیل بھرو تحریک پر بھی یوٹرن لیں گے۔
تفصیلات کے مطابق وفاقی وزیر صحت اور رہنما پیپلزپارٹی قادر پٹیل نے اپنے ایک بیان میں کہا کہ عمران خان میں ہمت ہی نہیں کہ وہ جیل بھرو تحریک شروع کرے۔
انہوں نے کہا کہ عمران خان کی ذہنی کیفیت دن میں ہر روز 12 موسموں کی طرح بدلتی ہے اس لئے یقین ہے کہ عمران خان جیل بھرو تحریک پر بھی یوٹرن لیں گے۔
ان کا کہنا تھا کہ عمران خان وعدہ کریں کہ رضاکارانہ گرفتاری کے بعد ضمانت کی درخواست نہیں دیں گے۔
وفاقی وزیر صحت اور رہنما پیپلزپارٹی قادر پٹیل نے مزید کہا منتظر ہوں کہ مراد سعید کب رضاکارانہ گرفتاری دیتے ہیں۔