حنا ربانی کھر نے کہا ہے کہ ہم عالمی برادری کے ساتھ مل کر موسمیاتی تبدیلی پر کام کرنے کو تیار ہیں۔
تفصیلات کے مطابق وزیر مملکت برائے وزیر خارجہ حنا ربانی کھر نے نجی ٹی وی کو انٹرویو دیتے ہوئے کہا ہم شکرگزار ہیں کہ مختلف ممالک نے ہمیں سیلاب متاثرین کی مدد کے لئے امداد اور دیگر طریقوں سے مدد کی۔
انہوں نے کہا کہ یہ کہنا غلط نہیں ہوگا کہ دنیا بھر سے تمام ممالک نے سیلاب متاثرین کی امداد کے لئے پاکستان کی مدد کی ہے، پاکستان میں بدترین موسیماتی تبدیلی کا سامنا ہے۔
ان کا کہنا تھا کہ پاکستان کا ادا حصہ پانی میں ڈوب ہوا ہے، پاکستان میں سیلاب سے 33 ملین لوگ آسمان تلے ہیں، ہم 33 ملین لوگوں کو ایک ساتھ امداد نہیں پہنچا پارہے ہیں، اس مسئلے کو دور کرنے کے لئے حکومتی کام جاری ہے۔
ان کا یہ بھی کہنا تھا کہ حالیہ سیلاب نے پاکستان میں تباہی، موسمیاتی تبدیلی اور انفراسٹرکچر کومتاثر کیا، ہم عالمی برادری کے ساتھ مل کر موسیماتی تبدیلی پر کام کرنے کو تیار ہیں۔
وزیر مملکت برائے وزیر خارجہ حنا ربانی کھر نے مزید کہا کہ سیلاب سے متاثر انفراسڑکچر پر کام کرنے کے لئے حکمت عملی بھی تیار ہے۔