پشاور میں گھر پر دستی بم حملہ ہوا جس کے نتیجے میں 3 افراد معمولی زخمی ہوئے ہیں۔
تفصیلات کے مطابق پشاور کے تھانہ حیات آباد کی حدود میں فیز ون کے قریب واقع گھر پر دستی بم حملہ ہوا جس کے باعث 3 افراد معمولی زخمی ہوئے ہیں۔
پولیس کا کہنا ہے کہ زخمیوں کی شناخت وسیم ولد جنت شاہ، جہانزیب ولد حسن، جہانزیب ولد حاجی صنم کے نام سے ہوئی ہے۔
پولیس کا کہنا ہے کہ دستی بم پھٹنے سے گھر کو جزوی نقصان پہنچا ہے۔
پولیس جائے وقوع پر پہنچ کر تفتیش کا آغاز کر چکی ہے۔