شہباز گل نے کہا ہے کہ پارٹی کے لوگوں کو آفرز آئیں لیکن انہوں نے ضمیر کا سودا نہیں کیا۔
تفصیلات کے مطابق پاکستان تحریک انصاف کے سینئر رہنما ڈاکٹر شہباز گل نے فیصل آباد میں میڈیا سے گفتگو کرتے ہوئے کہا کہ امپورٹڈ سر کار نے ضمیر خریدے ہیں۔
انہوں نے کہا کہ تمام مکروہ چہرے عمران خان کو دھوکا دیتے ہوئے دیکھے جبکہ فیصل آباد کے ٹیکسٹائل سیکٹر کو بہتر بھی عمران خان نے ہی کیا ہے۔
ان کا کہنا تھا کہ جب آپ لوٹ کے اپنے لیڈر کے سامنے جائیں تو آنکھیں جھکانی نہ پڑیں، نہ فیصل آباد پر احسان کیا نہ عمران خان پر احسان کیا بلکہ میں نے وہ کیا جو ضمیر نے کہا۔
پاکستان تحریک انصاف کے سینئر رہنما ڈاکٹر شہباز گل نے مزید کہا کہ کچھ فیصل آباد کے ضمیر فروش ہیں لیکن میں انکی طرح بکتا ہوا نظر نہیں آؤں گا جبکہ پارٹی کے لوگوں کو آفرز آئیں لیکن انہوں نے بھی ضمیر کا سودا نہیں کیا۔