میں حسن پرست ہوں اورمجھے اپنے حسن پر ناز ہے ‘ ہما علی

اداکارہ ہما علی نے کہا ہے کہ میں حسن پرست ہوں اورمجھے اپنے حسن پر ناز ہے ،خدا کی ذات کی ہر تخلیق بہت خوبصورت ہے اورمجھے جہاں بھی حسن نظر آتاہے میں اس کی تعریف کرتی ہوں ۔ ایک انٹرویو میں ہما علی نے کہا کہ مجھے خدا کی ذات نے خوبصورت چہرہ دیا ہے اور میں اپنے حسن پر ناز کرتی ہوں،ہر چہرہ خوبصورت ہوتا ہے کیونکہ یہ خدا کی ذات کی تخلیق ہے ۔انہوں نے کہا کہ سجنا سنورناہر عورت کی کمزوری ہوتی ہے اور مجھے بھی سجنا سنورنا اچھا لگتا ہے۔ گھرمیں میک اپ نہیں کرتی لیکن جب باہر جانا ہو تو ضرور میک اپ کرتی ہوں۔