عمران خان نے کہا ہے کہ میں اپنی ساری قوم کو جشن عید میلادالنبی ﷺ کی مبارک باد پیش کرتا ہوں۔
تفصیلات کے مطابق یومِ ولادتِ رسولِ اکرم ﷺ کے موقع پر چیئرمین پاکستان تحریک انصاف عمران خان نے خصوصی پیغام جاری کرتے ہوئے کہا کہ میں اپنی ساری قوم کو جشن عید میلادالنبی ﷺ کی مبارک باد پیش کرتا ہوں، پچھلے سال بھی تحریک انصاف نے جشن عید میلاد النبیﷺ کو شایان شان طریقے سے منایا تھا۔
انہوں نے کہا کہ کل ایف نائن پارک اسلام آباد میں ایک پروگرام منعقد ہو رہا ہے، اس میں نبی ﷺ کی سیرت پر گفتگو کے ساتھ اس پر بھی گفتگو کی جائے گی کہ نبیﷺ کی سیرت پر عمل کرتے ہوئے قوم کیسے اوپر جا سکتی ہے اور میں عوام کو کل شام 4 بجے اس پروگرام میں شرکت کی دعوت دیتا ہوں۔
چیئرمین پاکستان تحریک انصاف عمران خان نے مزید کہا کہ کل انشاء اللہ ایف نائن پارک اسلام آباد میں آپ سے ملاقات ہوگی۔