پاکستان تحریک انصاف کے چیئرمین عمران خان نے مردان تخت بھائی جلسے کے حوالے سے اہم ویڈیو پیغام جاری کردیا ہے۔
عمران خان نے پیغام میں کہا کہ میں جمعرات کو مردان تخت بھائی میں جلسہ کرنے آرہا ہوں اور یہ جلسہ الیکشن کے حوالے سے کر رہا ہوں۔
انہوں نے کہا کہ تمام عوام کو جلسے میں شرکت کی دعوت دیتا ہوں، عوام بھر پور طریقے سے جلسے میں شرکت کریں۔
چیئرمین پاکستان تحریک انصاف عمران خان کا مردان جلسے کے حوالے سے اہم ویڈیو پیغام۔
مردان تخت بھائی جلسہ جمعرات 3 بجے تخت بھائی ریلوے اسٹیشن میں ہو گا۔ pic.twitter.com/Jsq8ALtxV6— PTI (@PTIofficial) October 11, 2022
پاکستان تحریک انصاف کے چیئرمین عمران خان نے مزید کہا کہ الیکشن کے علاوہ حقیقی آزادی کی تحریک کے حوالے سے بھی بات کروں گا۔
دوسری جانب چئیرمین تحریک انصاف عمران خان کل لاہور اور شرقپور کا دورہ کریں گے اور عمران خان لاہور میں مختلف کنونشنز کی صدارت بھی کریں گے۔
لاہور میں چار کنونشنز 90 شاہراہ قائد اعظم اور الحمرا میں منعقد ہوں گے جبکہ ایوان وزیراعلیٰ میں ڈاکٹرز اور یوتھ کنونشنز سے خطاب بھی کیا جائے گا۔
الحمرا ہال آئی ایس ایف کے کنونشن سے بھی عمران خان خطاب کریں گے جبکہ عمران خان سے وزیر اعلیٰ پرویز الٰہی اور سینئر وزیر میاں اسلم اقبال کی ملاقات بھی متوقع ہے