صوبہ پنجاب کے شہر حافظ آباد میں طالبات کی بس کو خطرناک حادثہ پیش آیا ہے۔
تفصیلات کے مطابق یہ افسوسناک حادثہ حافظ آباد کے نواحی گاؤں خانپور میں پیش آیا، جہاں طالبات کو لے کر آنے والی منی کوچ کی ٹرک سے ٹکر ہوئی جس کے نتیجے میں 15 سے زائد طالبات زخمی ہوگئی ہیں۔
ریسکیو حکام کا کہنا ہے کہ ڈرائیور اور ایک طالبہ کی حالت تشویش ناک ہے۔
ریسکیو حکام نے مزید بتایا کہ زخمیوں کو ٹراما سینٹر منتقل کر دیا گیا ہے۔