کراچی کے علاقے ڈیفنس فیز سیون خیابان جامی میں دکان میں سلنڈر دھماکہ ہوا ہے جس میں ایک شخص جاں بحق اور 04 افراد کے زخمی ہونے کی اطلاعات ہیں۔
اس حوالے سے ریسکیو ذرائع کا کہنا ہے کہ ڈیفنس فیز سیون خیابان شامی کے قریب آن لائن فوڈ ڈیلیور کرنے والی کمپنی کے دفتر میں گیس سلنڈر پھٹنے سے دھماکہ ہوا ہے۔
ذرائع کا کہنا ہے کہ دھماکے کے باعث ایک شخص جاں بحق اور چار افراد زخمی ہیں جنہیں اسپتال منتقل کردیا گیا ہے۔
ذرائع نے بتایا کہ زخمیوں میں شامل افراد کی شناخت زوھیل 22 سالہ، شارخ 18 سالہ، عامر 25 سالہ اور انیل 26 سالہ شامل ہیں۔
دوسری جانب پولیس کا کہنا ہے کہ دھماکا مبینہ طور پر گیس سلنڈر پھٹنے کا ہے، مزید تحقیقات جاری ہیں۔
پولیس حکام کا کہنا ہے کہ بم ڈسپوزل اسکواڈ جانچ کے بعد دھماکے سے متعلق حتمی رپورٹ دے گا۔