پاکستان تحریک انصاف کی جانب سے مردان تخت بھائی میں عظیم الشان جلسہ عام کا انعقاد کیا گیا ہے جس کے متعلق چیئرمین پی ٹی آئی عمران خان نے عوام کے نام خصوصی پیغام جاری کیا ہے۔
سابق وزیر اعظم اور پاکستان تحریک انصاف کے چیئرمین عمران خان نے اپنے جاری کردہ بیان میں کہا کہ جمعرات کو دوپہر 3 بجے انشاءاللہ تخت بھائی میں جلسہ کرنے آرہا ہوں۔
عمران خان نے کہا کہ یہ جلسہ ضمنی انتخاب کے حوالے سے منعقد کیا جارہا ہے، عوام کو جلسے میں بھرپور شرکت کی دعوت دیتا ہوں۔
چیئرمین پاکستان تحریک انصاف عمران خان 13 اکتوبر کو تخت بھائی گراؤنڈ میں ایک عظیم الشان جلسے سے خطاب کریں گے۔ pic.twitter.com/7ugij2fMsz
— PTI (@PTIofficial) October 11, 2022
چیئرمین پی ٹی آئی کا کہنا ہے کہ جلسے میں ضمنی انتخاب اور حقیقی آزادی کی جدوجہد کے حوالے سے گفتگو کروں گا۔
سابق وزیر اعظم عمران خان نے مزید کہا کہ انشااللہ تخت بھائی میں آپ سے ملاقات ہوگی۔
چیئرمین عمران خان آج لاہور اور شرقپور کا دورہ کریں گے
دوسری جانب چئیرمین تحریک انصاف عمران خان آج لاہور اور شرقپور کا دورہ کریں گے اور عمران خان لاہور میں مختلف کنونشنز کی صدارت بھی کریں گے۔
چیئرمین عمران خان آج چیف منسٹر سیکرٹریٹ لاہور میں ڈاکٹرز کنونشن سے خطاب کریں گے۔
چیئرمین عمران خان آج چیف منسٹر سیکرٹریٹ لاہور میں ڈاکٹرز کنونشن سے خطاب کریں گے۔ pic.twitter.com/STH3sMAik0
— PTI (@PTIofficial) October 12, 2022
لاہور میں چار کنونشنز 90 شاہراہ قائد اعظم اور الحمرا میں منعقد ہوں گے جبکہ ایوان وزیراعلیٰ میں ڈاکٹرز اور یوتھ کنونشنز سے خطاب بھی کیا جائے گا۔
الحمرا ہال آئی ایس ایف کے کنونشن سے بھی عمران خان خطاب کریں گے جبکہ عمران خان سے وزیر اعلیٰ پرویز الٰہی اور سینئر وزیر میاں اسلم اقبال کی ملاقات بھی متوقع ہے۔
لاہور: پی ٹی آئی نے لانگ مارچ کیلئے انصاف فورس بنالی
پاکستان تحریک انصاف (پی ٹی آئی) لاہور نے لانگ مارچ کے لیے نوجوانوں پر مشتمل انصاف فورس بنالی۔
تفصیلات کے مطابق ابتدائی طور پر 100 نوجوانوں پر مشتمل انصاف فورس کی لانچنگ تقریب میں مشیر اطلاعات پنجاب عمر سرفراز چیمہ نے بطور مہمان خصوصی شرکت کی۔
عمر سرفراز چیمہ انصاف فورس کے سربراہ ہیں جبکہ میاں عباد فاروق چیف کمانڈر پنجاب ہوں گے۔
تقریب سے خطاب میں عمر سرفراز چیمہ کا کہنا تھا کہ کراچی سے خیبر تک ہر گھر میں عمران خان کا ووٹ بینک موجود ہے۔