کروڑلعل عیسن میں تیز رفتار بس کی موٹر سائیکل سے ٹکر ہوئی ہے۔
تفصیلات کے مطابق کروڑلعل عیسن میں بس کی موٹر سائیکل سے ٹکر ہوئی جس کے نتیجے میں 3 افراد جاں بحق ہوئے، جاں بحق ہونے والوں کا تعلق بھکر سے ہے۔
ذرائع کے مطابق ریسکیو 1122 کی امدادی ٹیم ابتدائی کارروائی میں مصروف ہے۔
ریسکیو 1122 کے مطابق موٹر سائیکل پر 4 افراد سوار تھے، ماں سمیت2 بچے جاں بحق ہوئے جن کا تعلق بھکر سے ہے۔
جاں بحق ہونے والوں میں ماں طاہرہ بی بی زوجہ گل شیر جن کی عمر 38 سال تھی جبکہ 2 بیٹیاں سیرت فاطمہ دختر گل شیر اور سردار زینب دختر گل شیر جن کی عمر 4 اور 5 سال بتائی جا رہی ہے۔
ریسکیو 1122 کا کہنا ہے کہ 12 سالہ بیٹا ریحان ولد گل شیر موٹر سائیکل چلا رہا تھا جومعجزاتی طور پر بچ گیا ہے۔